Вест Хем веќе одби две понуди од Арсенал за својот капитен Деклан Рајс, а последната беше во висина од 75 милиони фунти, плус 15 милиони во бонуси.
Менаџерот на „топчиите“ го смета Рајс како клучно засилување за да може следната сезона повторно да води битка со Манчестер сити за титулата во Премиерлигата.
Новата понуда на Арсенал би требало да биде околу 80 милиони фунти обештетување и 20 милиони во бонуси. Понуда за Рајс се очекува да пристигне и од Манчестер сити, па можно е трансферот на англискиот репрезентативец да биде и преку 100 милиони фунти.