Поранешниот член на репрезентацијата до 21 година, Сефер Емини за прв пат доби повик да биде дел од националниот тим кој влезе во завршните подготовки за претстојните квалификациски дуели со Украина и Англија.
“Чест е да се биде овде, се трудам да го дадам максимум на секој тренинг. Репрезентацијата е таква што секој треба да даде се од себе. Сите мораме да бидеме подготвени и да ја чекаме одлуката на селекторот. Пред се мора да се фокусираме на натпреварот против Украина, а дури потоа да размислуваме за Англија. Позитивен резултат на првиот меч ќе донесе повеќе верба и самодоверба пред патувањето во Манчестер. Целта е да се одигра најдобриот можен натпревар и да се победи, но фудбалот е непредвидлив. Ако не сте 200 проценти сконцентрирани, секој може да ви ги расипе плановите”, изјави Емини.
ФОТО: Игор Паневски
