По синоќешните реванш полуфинални натпревари познати се финалните парови во Лигата на Европа и Конференциската лига на УЕФА. Рома ќе се соочи со Севилја, додека Вест Хем за противник ја има Фиорентина.
Можете да го сакате стилот на игра на Жозе Мурињо или можете и да го мразите, но факт е дека португалскиот стратег секогаш носи успех. „Римската волчица“ синоќа со ултра дефанзивен фудбал на реваншот кај Баер Леверкузен успеа да извлече реми без голови и да стигне до финалето во Лигата на Европа благодарение на победата од 1-0 на домашен терен. Германците имаа посед на топката од 71 отстои 23 шутеви, наспроти само еден на Италијанците, но на крајот само головите се бројат, а „волчицата“ беше подобра за само еден.
Мурињо лани ја одведе Рома до трофејот во Конференциската лига, а сега во финалето во Лигата на Европа. Интересно е тоа што за специјалниот дуелот во Будимпешта на „Пушкаш арената“ на 31 мај тој ќе го игра шестото европско финале во кариерата. Интересно е тоа што Мурињо никогаш не загубил европско финале и има пет победи, односно со Порто освои УЕФА Куп и Лига на шампиони, со Интер исто така Лига на шампиони, а со Манчестер јунајтед, Лигата на Европа.
Ривал на Рома во големото финале ќе биде Севијла, т.н. специјалист за ова натпреварување. Шпанскиот тим го елиминираше Јувентус со победа од 2-1 во продолженијата, па ќе го брка седмиот трофеј во Лигата на Европа. Андалузијците ги освоија сите шест финалиња на кои играа во Лигата на Европа од 2006 година па наваму. Сето ова е уште еден предзнак за интересно финале.
Во Конференциската лига, во финалето ќе играат Вест Хем и Фиорентина, a ќе се соочат во Прага на 7 јуни. „Чеканите“ славеа со 1-0 на гостувањето кај АЗ Алкмар и со вкупни 3-1 одат во мечот за титулата. Мечот го засени голем инцидент, кога навивачите на холандскиот тим гневни од поразот тргнаа кон трибината на стадионот каде што седеа семејствата на играчите на Вест Хем. За среќа беше избегнат поголем скандал, бидејќи дел од англиските навивачи им се спротивставија на ултрасите, а тука беа и играчите на Вест Хем кои тргнаа во одбрана на своите семејства и најблиските.
2 West Ham fans managing to stop a mob of AZ Alkmaar fans from getting to the hospitality section where all the players families are seated👏👊 pic.twitter.com/7nKjXUbEvC
— Football Away Days (@AwayDays_) May 19, 2023
Фиорентина погоди преку Антонин Барак во 10-тата минута од второто продолжение против Базел за водство од 1-3 и пласман во големото финале.