Кошаркарите на Мајами продолжуваат со извонредните настапи во разигрувањето за титулата во НБА лигата.
Во првиот натпревар од финалната серија во Источната конференција совладан е Бостон со 123:116.
Прва ѕвезда во победничкиот тим беше Џими Батлер кој мечот го заврши со 35 поени, седум асистенции, шест украдени топки и пет скока. Батлер игра во голема форма во разигрувањето и ова за него е петти натпревар од вкупно 11 на кој постигнува преку 30 поени.
Бам Адебајо додаде 20 поени и осум скока, а Кајл Лаури, Кејлеб Мартин, Макс Струс и Гејб Винсент беа стрелци на по 15 поени.
Во поразениот тим Џејсон Тејтум имаше учинок од 30 поени и седум скока, а Џејлен Браун впиша 22 поени, девет освоени топки под обрачите и пет асистенции.
Серијата останува во Бостон, а вториот натпревар ќе се одигра в петок навечер.