Иако се уште не е промовиран во нов менаџер на Челзи, медиумите во Велика Британија пишуваат дека Аргентинецот интензивно е вклучен во плановите за летниот трансфер период.
Неофицијално Почетино до челниците на клубот има едно неочекувано барање за трансфер, а станува збор за фудбалерот на Наполи, Станислав Лоботка.
Словакот, кој е готово незаменлив во составот на Лучијано Спалети е далеку под радарот на големите клубови, но новиот менаџер на Челзи смета дека токму тој е идеално засилување за средниот ред на реконструираниот состав на екипата од Стемфорд бриџ.
Лоботка со Наполи има договор до 2027 година, но огромен проблем за реализација на желбата на Почетино е фактот дека висината на откупната клаузула изнесува 54 милиони евра.
Словакот во Неапол дојде пред три години од Селта, а претходно има настапувано за Нордјеланд, младиот тим на Ајакс, а кариерата ја почнува во Тренчин.
Наполи за неговиот трансфер во 2020 година на екипата од Виго и плати обештетување од 24 милиони евра.
ФОТО: Игор Паневски