Само неколку дена по најавата дека британскиот милијардер Џим Ретклиф има големи шанси да преземање на Манчестер Јунајтед, медиумите во Велика Британија пишуваат за последната понуда од страна на шеикот Јасим бин Хамад Ал Тани.
Иако се уште нема официјална потврда шеикот Ал Тани покрај сумата од пет милијарди фунти за купување на 100 проценти од акциите на клубот понудил дека ќе ги исплати сите долгови на Манчестер Јунајтед плус дека ќе вложи 800 милиони фунти во подобрување на инфраструктурата.
Овие нови моменти дополнително ја компликуваат ситуацијата околу донесување на конечната одлука, но и ја загрозуваат позицијата на Ретклиф.
Имено првиот човек на компанијата ИНЕОС наводно веќе имал договор со Џоел и Аврам Глејзер да го купи мнозинскиот пакет на акции, а на семејството да му остави 20 проценти од акциите.
Токму Аврам и Џоел се двајцата членови на семејството Глејзер кои не сакаат целосно да се откажат од клубот и поради тоа за нив е понудата на Ретклиф е далеку попримамлива од онаа на шеикот Ал Тани.
Според последните најави конечната одлука за новиот сопственик на Манчестер Јунајтед ќе биде позната до крајот на овој месец.
ФОТО: Игор Паневски