112 ученици од студиото „ Арт Балет“ ги прават последните проби за премиерата на детската балетска претстава „ Петар Пан“, две чии премиерни изведби ќе се одржат на 31 март во Националната опера и балет. Кореографијата и режијата за балетот ги направи Ирена Лозинска.
-Се трудев да ги прилагодам кореографиите кон возрасна на тие дечиња. Инаку стилот на самата кореографија е мешан. Да кажеме класично – модерен. Значи некоја неокласика, рече ирена лозинска, кореограф и режисер на претставата.
-Пробите кои што верувајте не се ни малку лесни. Ни малку не се кратки. Туку напротив пробите се минимум од 2 до 6 часа во текот на денот, рече тамара ѓурчиновска, управител и наставник во „арт балет“.
Детскиот балет „ Петар Пан“ е работен според романот на Џејмс Метју Бери. А, од мноштвото случки за момчето што лета и не сака да порасне , во фокусот на оваа постановка е вредноста на љубовта што ја осознава Петар Пан.
Ѕвончица е до уши вљубена во него. Таа љубов кон него преминува во љубомора поради блискоста на Петар Пан со Венди. Но, до оној момент кога ќе разбере дека љубомората ќе донесе неспокој и неубави нешта за цела таа дружина таму, вели ристо самарџиев, автор на либрето и песните.
Ликот на Ѕвончица е и наратор кој ги води посетителите низ дејствието преку 7 песни за кои музиката ја напиша Владимир Дојчиновски. Покрај учениците од „ Арт Балет“, во претставата настапуваат и солистите од Националниот Балет –Веселин Трајковски и Николас Алехандре Хоурсеу, во улогите на Петар Пан и Капетан Кука.
Сотир Трајков