Членовите на фудбалска репрезентација на Македонија на вечерашниот тренинг имаа пријатно изненадување.
Во посета им дојде првиот селектор на фудбалската репрезентација Андон Дончевски, кој на избраниците на селекторот Благоја Милевски им посака успех во новиот циклус, но воедно им честиташе за досегашните одлични резултати што ги постигнаа во изминативе години.
“Јунаци, моја почит кон сите вас. Го кренавте македонскиот фудбал. Јас го почнав, тешко, меѓутоа знаев дека ќе дојде и генерација како вас“”, рече популарниот чичко Дончо.
Фудбалерите на Дончевски му врачија подарок, капитенот Стефан Ристовски во име на сите членови на националниот тим му даде дрес на кој е испишано неговото презиме.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.