Откако во последните два преодни рока Челзи потроши огромна сума на засилувања, раководството на клубот полека почнува да се ослободува од играчите за кои смета дека се вишок во екипата.
Прв кој доби дозвола да ја смени средината е англискиот репрезентативец Мејсон Маунт. Дваесет и четири годишниот фудбалер следното лето ќе има статус на слободен играч, но неколку пати ги прекина преговорите за продолжување на соработката.
Маунт е незадоволен од финансиските услови бидејќи Челзи му нуди неделна плата од 180.000 фунти наспроти неговото барање таа да изнесува 70.000 повеќе.
Тој е еден од најслабо платените играчи во екипата и неговите моментални примања се 80.000 фунти неделно и тоа е главната причина поради која тој сака да си замине од Стемфорд бриџ.
Откупната клаузула во договорот е 90 милиони фунти, но со оглед на фактот дека влегува во последната година тој најверојатно ќе може да ја смени средината и за двојно пониска сума.
ФОТО: Игор Паневски