Селекторот на фудбалската репрезентација на Италија, Роберто Манчини на подготовките за првите два дуели од квалификациите за Евро 2024 повика дури 30 играчи.
Аѕурите на почетокот од овој циклус ќе се соочат со селекциите на Англија и Малта, а на овие подготовки предводникот на националниот тим има неколку дебитанти.
Меѓу нив е голманот на Лече, Владимиро Фалконе, дефанзивецот на Торино, Алесандро Бонџорно и напаѓачот на мексиканскиот прволигаш Тигре, Матео Ретеги.
Со овие фудбалери бројката на играчи со кои располагал Манчини во текот на неговиот мандат достигна бројка од вкупно 102.
Во составот се враќаат Матео Дармијан и Алесио Ромањоли кои веќе неколку години беа надвор од репрезентацијата.
Првиот дуел во овој циклус Италија на 23 март во Неапол ја пречекува Англија и за овој натпревар веќе се продадени 31.000 влезница, а потоа Аѕурите ги очекува и меч со Малта.
СОСТАВ:
ГОЛМАНИ: Џанлуиџи Донарума (Paris Saint Germain), Владимиро Фалконе (Lecce), Алекс Мерет (Naples), Иван Проведел (Lazio);
ОДБРАНА: Франческо Ачерби (Inter), Леонардо Бонучи (Juventus), Алесандро Бонџорно (Turin), Матео Дармијан (Inter), Џовани Ди Лоренцо (Naples), Федерико Димарко (Inter), Алесио Ромањоли (Lazio), Џорџо Скалвини (Atalanta) , Леонардо Спинацола (Roma), Рафаел Толои (Atalanta);
СРЕДЕН РЕД: Николо Барела (Inter), Брајан Кристанте (Roma), Давиде Фратези (Sassuolo), Жоржињо (Arsenal), Лоренцо Пелегрини (Roma), Матео Песина (Monza), Сандро Тонали (Milan), Марко Верати (Paris Saint Germain) ;
НАПАЃАЧИ: Доменико Берарди (Sassuolo), Федерико Киеза (Juventus), Вилфред Гното (Leeds United), Виченцо Грифо (Fribourg), Симоне Пафунди (Udinese), Матео Политано (Naples), Матео Ретеги (Club Atletico Tigre), Џанлука Скамака (West Ham united).
ФОТО: Игор Паневски