Поранешниот селектор на Шпанија и предводник на Барселона, Луис Енрике во моментов е без ангажман, а медиумите во Англија најавуваат дека тој е на најдобар пат кариерата да ја продолжи на Островот.
Во моментов тој се смета за прв кандидат за наследник на Антонио Конте на клупата на Тотенхем. Италијанецот дефинитивно си заминува од клубот и ги разгледува понудите на Јувентус и Интер, а Луис Енрике наводно веќе ги имал и првите контакти со челниците на екипата од Лондон.
Луис Енрике во еден момент се поврзуваше и можно преземање на Атлетико Мадрид, но екипата предводена од Диего Симеоне успеа да се извлече од кризата и Аргентинецот и натаму ќе остане во клубот од шпанската престолнина.
Неофицијално Луис Енрике наводно имал понуда и од Ливерпул, а се шпекулира дека може да го преземе и Челзи.
Последен во низата клубови кои се интересираат за шпанскиот тренер е Милан, но тоа е опција која има најмалку шанси за реализација.
ФОТО: Игор Паневски