Кошарка Спорт

Ишбиа нов сопственик на Феникс за рекордни 4 милијарди долари

Американскиот бизнисмен Мет Ишбија од денеска се нов сопственик на НБА тимот Феникс Санс, но и на членот на WNBA лигата Феникс Меркјури.

Ишбија според магазинот Форбс е еден од најголемите хипотекарни кредитори во САД за доминантна сопственост во двата клуба ќе плати рекордна сума од четири милијарди долари.

Новиот газда на кошаркарските тимови од Феникс уште на 20 декември се согласи за сумата која треба да ја плати, а од денеска тој и официјално го презема водењето на екипите.

Купувањето ги собори сите рекорди во НБА и Ишбија скоро за двојно повеќе ја надмина сумата која Џо Ца ја плати за Бруклин, а изнесуваше 2,35 милијарди долари.

Ишбија сопственоста ја презема од Роберт Сервер кој мораше да го продаде Феникс поради суспензијата од една година што ја доби во септември 2022-та откако беше утврдено дека ги навредувал вработените на расна основа и вршел мобинг. Патем Сервер мораше да плати и парична казна од 10 милиони долари.

На гласањето за одобрување на смената на сопственоста учествувале 29 тима и сите биле “за”, освен Кливленд чиј претставник не бил присутен.

ФОТО: Игор Паневски

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани соджини

МЗТ го испушти баражот: Ќе има шанса да му се реваншира на Широки во плејофот

Дејан Дејан

Мартин славеше во Португалија, прв подиум за дебитантот Акоста

Дејан Дејан

Хубер со неверојатни скокови дојде до титулата во ски летови на Планица

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе