Тројца од приведените полицајци и цариници на граничниот премин „Табановце“ добија 30-дневен притвор, за двајца е одреден осумдневен притвор, а за еден мерка куќен притвор, дознава Телма. На останатите три лица им се одземени патните исправи како мерка на претпазливост.
Девет лица беа уапсени во полициската операција на граничниот премин „Табановце“, меѓу нив командирот, заменик командирот на смена и шест полициски службеници. Големата акција на Министерството за внатрешни работи (МВР) во неделата беше спроведена во соработка со обвинителството за организиран криминал и корупција.
Граничните полицајци на Табановце си имале и тарифник за „услугите“ од 5 до 100 евра