На 61 годишна возраст во Загреб, Хрватска почина пеачот Масимо Савиќ. Тажната вест ја потврдија од неговото семејство.
„Нашиот татко, сопруг и љубов, Масимо Савиќ, не напушти после кратка и херојска борба. Иако замина од овој свет во нашите души ќе живее вечно, насмеан, топол, силен, понл со љубов и создаден од уметноста. Засекогаш ќе бидеме твоите девојки. Ени и Мирна“, напишаа на Инстаграм членовите на неговото семејство.
Масимо е роден на 6 јуни 1962 година во Пула, а средното образование го завршил во Загреб, каде што ја започнал својата музичка кариера. Во 1983 година, како водач на легендарната њу вејв/синт-поп група Доријан Греј, го издаде својот прв албум – „Сјај у тами“, а две години подоцна вториот албум „За твоје очи“.
Масимо го поминал своето детство на Истра. На 12 години отишол во Милано, а после тоа со брод од Џенова, со мајка си тргнале на патување со брод во Австралија. Во Сиднеј, тој живеел во богато семејство две и пол години, каде неговата мајка Елде работела како шеф на послугата. Малиот Савиќ во Сиднеј отишол во Белви Хил, а во седмо одделение се вратил на Истра. Меѓутоа, тој го заборавил хрватскиот јазик во Австралија и повторно почнал да го учи кога се вратил.
Во 2013 година одбележа 30 годишен јубилеј од својата кариера, а последниот концерт го одржа во Арена Загреб на 5 ноември 2022 година.