Судскиот совет разреши судијка од Велешкиот суд поради сторена потешка дисциплинска грешка, потврдуваат извори од советот за Телма.
Станува збор за судијка за која имало претставки во судот, а се водат предмети во кавадаречкото обвинителство.
На прашање на Телма од обвинителството ни одговорија дека станува збор за 2 предистражни постапки поведени по кривични пријави за злоупотреба на службена положба и овластување во врска со одлучување на судијката по конкретни предмети.
Пријавите се поднесени против повеќе лица, мегу кои и судијката објаснија од обвинителството за Телма.
Дали поради истите сомнежи или поради друго се водела и постапката во судскиот совет нема информација.
Од Судски совет официјално не сакаат да коментираат и да споделуваат детали до правосилност на одлуката.
Неофицијално дознаваме и дека денеска се дискутирало и за уште еден судија за кого исто така се води постапка пред советот, но било одлучено да се доработи предметот.