Вашата слобода е и наша, му порача американскиот претседател Бајден на својот полски колега Андќеј Дуда за време на денешната посета во Варшава, што беше и негов последен ден во Европа, откако претходно беше специјален гостин на НАТО самитот на ЕУ и Г7 самитот во Брисел. На сосотанокот, Бајден призна дека врз Полска падна најголемиот дел од хуманитарната криза, каде повеќе од 2 милиони луѓе кои избегаа од Украина, влегоа во оваа земја. Бајден порача дека другите сојузници на НАТО мора да направат повеќе. САД ветија дека ќе прифатат до 100.000 бегалци. По состанокот со Дуда, тој во придружба на полскиот премиер ги посети украинските бегалци кои се сместени во Варшава.
Американскиот претсеадтел вети дека САД и НАТО сојузниците се тука на помош во случај Русија да се одлучи да ги нападне. Бајден изјави дека членот 5 на НАТО е „свет“, мислејќи на клаузулата за заемна одбрана на алијансата, која бара од сите членки да помогнат на кој било друг член на Алијансата доколку е нападнат.