893 ученици со посебни образовни потреби се вклучени во редовниот воспитно образовен процес во МК, изјави во вечерашниот Вин-Вин ,претседателката на комисијата за спречување на дискриминацијата, Весна Бендевска.
Таа изјави дека Концепција за инклузивно образование е воведена во 2020-та. „Концепцијата е одлично замислена , но имплементацијата не дочека неподготвени, неспремни, меѓу другото имаме препорачано задолжителна обука на наставниците и стручниот персонал во училиштата кое е поврзано директно со образовниот процес на децата со посебни потреби“ – изјави Бендевска.
За случајот на девојчето од Гостивар, Бендевска изјави дека и училишниот инклузивен тим и инклузивнот тим на ученичката, сите потфрлиле на притисокот на 11 родителки, кои барале сегрегација на Амбла.
„Ние утврдивме дека тие направиле повикување, поттикнување и инструкција за дискриминација, што е забрането со Законот за заштита и спречување на дискриминација. Го задолживме директорот да ги повика, ги наведовме со имиња и презимиња, бидејќи очигледно е дека не се доволно сензибилизрани за потребата и начинот на кој е замислено инклузивното образование. Доколку не дојдат на тој сензибилизирачки состанок, ќе повикаме лично да одговараат, согласно одредбите на нашиот закон. “, додаде Бендевска.
Александра Цветановска од Здружението на млади правници, изјави дека дискриминацијата е тешко да се препознае, потоа основот дискриминаторски и кога се поднесува преставка до Комисијата или народниот правобранител, мора да се точно во која област е дискриминацијата и по кој основ.
„Комисијата не е прекршочен орган, што значи дека палката преминува кај судовите, во случај кога ќе биде утврдена дискриминацијата.“ –вели Цветановска.