Војната со санкции меѓу Западот и Русија добива на интензитет. Откако САД забранија увоз на руска нафта, јаглен и гас, Британија најави дека ќе ги поддржи но постепено, Русија возврати со контра мерка. Претседателот Владимир Путин денеска потпиша указ со кој се забранува извоз на одредени стоки и суровини за како што е наведено да обезбеди непречено функционирање на индустријата и безбедноста на Руската Федерација. Забраната ќе важи до крајот на оваа година а официјален Кремљ ќе го објави списокот на држави и стоки во наредните 48 часа.
Новите мерки, според очекувањата, ќе ги нарушат пазарите за гориво житарки и метали.
Портпаролот на Кремљ, Дмитри Песков соопшти дека САД и објавиле економска војна на Русија, по последниот сет санкции кои вчера ги потпиша американскиот претседател Бајден.
Ги гледате баханалиите, непријателските баханалии кои Западот ги посеа. Тоа ја отежнува ситуацијата и не принудува сериозно да размислуваме. САД дефинитивно и објавија економска војна на Русија и војуваат. Ако ме прашувате што ќе направи Русија – Русија ќе го направи она што е неопходно за да ги брани своите интереси, изјави песков.
Европската Унија денеска соопшти дека ја проширува црната листа на руски олигарси и функционери чии сметки ќе бидат замрзнати и дека ја зајакнува контролата врз трансферите на криптовалути а на удар се најдоа и три банки во Белорусија кои ќе бидат исклучени од СВИФТ системот поради поддршка на Минск на воената агресија.
Унијата нема да го следи чекорот на САД и нема да го забрани увозот на нафта и гас од Русија пред се поради целосната зависност од овие руски енергенси. Во Унијата се бара предоно решение и се забрзува процесот на префрлање кон обвновливите извори на енергија за да се намали зависноста од Русија.
Санкциите предизвикаа жесток удар врз руската економија и банкарскиот систем. Мопсковската берза веќе девети ден е затворена а од денеска руските граѓани имаат ново ограничување, не може да подгинат поголема сума од 10 илјадо долари во кеш од банките, истата сума која е лимит за изнесување од државата.
Досега над 290 корпорации и глобални фирми и брендови кои вработуваат десетици илјади објавија дека запираат со работа во и со Русија а последни во низата се „Кока Кола“, „Пепси“ и „Хајнекен“
Огнен Чанчаревиќ