Санкциите наметнати на Русија по инвазијата врз Украина „немаат никаква врска“ со иранското нуклеарно досие, а новите барања на Москва за да го поддржи договорот не доаѓаат предвид, изјави шефот на американската дипломатија Ентони Блинкен.
Во услови на оптимизам дека ќе може да се обнови нуклеарниот договор од 2015 година, министер за надворешни работи на Русија Сергеј Лавров побара гаранција дека новите санкции против Москва нема да важат за руската соработка со Техеран.
– Двете работи се сосема различни и не се поврзани на кој било начин, рече Блинкен во интервјуто за Си-Би-Ес.
– Во интерес на Русија е, и покрај се друго, Иран да не може да поседува нуклеарно оружје и да нема капацитет да произведува оружје за кратко време, рече државниот секретар.
– Овој интерес останува силен без оглед на нашите односи со Русија по нејзината инвазија на Украина, рече Блинкен.