Русија истрела вкупно 600 проектили од почетокот на инвазијата на Украина, изјави висок американски функционер. Околу 95 отсто од руската армија собрана на границата веќе влегла во Украина.
Американците тврдат дека ги следеле борбите во Херсон и Миколаев, додека руските сили се уште се обидуваат да ги опколат Киев, Харков, Чернихив и Мариупол. Тие, исто така, тврдат дека Русија наиде на силен украински отпор кој во голема мера ја забави руската инвазија.
Нема нови информации за огромниот руски конвој во близина на Киев
Во меѓувреме, огромен руски конвој северно од Киев, кој се протега на околу 60 километри, останува во мирување, но нема нови информации колку е оддалечен од главниот град на Украина. Кон крајот на минатата недела тој беше на околу 25 километри од центарот на Киев.
„Веруваме дека украинскиот народ во повеќето делови на земјата сè уште има средства за комуникација, пристап до Интернет и до медиумите“, додаде неименуван американски функционер. Тој додаде дека САД веруваат дека амфибискиот напад врз Одеса се уште не е неизбежен.
Тој не можеше да ги потврди извештаите дека Русите пукале врз демонстрантите во Киев или го прекршиле договорот за прекин на огнот за да се дозволат хуманитарни коридори. Тој, исто така, не можеше да ги потврди информациите дека Русите бараат воени резерви.