Конвој од камиони и кампери денеска ги блокираа улиците околу парламентот Велингтон во знак на протест против здравствените мерки по примерот на повеќедневната блокада на канадската престолнина Отава.
„Вакциниран сум, но се спротивставувам на тоа да ги принудуваат луѓето“, изјави еден од демонстрантите.
На возилата може да се видат пораки како „вратете ни ја слободата“ и „принудата не е согласност“. Протестот беше мирен и полицијата соопшти дека нема апсења или поголеми инциденти.
🇳🇿 New Zealand – Wellington [Feb 8, 2022]
🎥 @AtWeeksEndNewsWellington welcomes the Freedom convoy! Canadian style 💪🏻 #convoynz2022 #NoVaccinePassports #NoGreenPass #NoAlPaseSanitario #NonAuPassVaccinal #NaoAoPassaporteSanitario #NeinzurImpfpflicht #FreedomConvoy2022 pic.twitter.com/fkPR4m4ELt
— 🏛️ BMedia 🇳🇱📵 (@BananaMediaQ) February 8, 2022
Премиерката Џасинда Ардерн рече дека нема намера да разговара со инволвираните. Таа посочи дека мнозинството граѓани на Нов Зеланд ја поддржуваат владината програма за вакцинација.
„96 отсто од Новозеланѓаните се вакцинирани, што ни овозможува да живееме со помалку ограничувања денес благодарение на обезбедената заштита“, изјави премиерката за Радио Нов Зеланд.
Во Нов Зеланд, вакцинацијата против Ковид-19 е задолжителна за луѓето кои работат во сектори како што се здравството, полицијата, образованието и одбраната.
Потребен е сертификат за вакцинација за влез во ресторани и учество во спортски настани или верски церемонии. Не е задолжително за користење на јавен превоз, влез во продавници, училишта и пристап до здравствени услуги.
New Zealand Truck convoy, the movement is going global! pic.twitter.com/0egsSio84L
— Alessia (@Ale_Dempsey) February 6, 2022