Кенди Фрејзиер, поранешна модераторка во ТикТок објасни дека претрпела значителни психолошки трауми, вклучувајќи анксиозност, депресија и посттрауматско стресно растројство поради тоа што ја контролирала содржината на видеата што содржат „екстремно и впечатливо насилство“ и тоа го правела по 12 часа на ден.
Фрејзиер ги тужи TикТок и нејзината матична компанија, кинескиот технолошки гигант Бајтданс, за што тврди дека во својата улога како модератор, гледала сензационални содржини како што се сексуални напади, канибализам, геноцид, масовни убиства, сексуална злоупотреба на деца и осакатување животни.
Модераторите од страна на компанијата биле известени дека за време на 12-часовната смена имало 15-минутна пауза по првите четири часа работа, по што следувала 15-минутна пауза на секои два часа.
Во септември, ТикТок објави дека 1 милијарда луѓе ја користат апликацијата секој месец.
ТикТок: Обезбедуваме психолошка поддршка
За да ги заштити своите корисници, платформата за споделување видеа користи илјадници внатрешни и договорни модератори на содржина за да ги филтрира видеата и сметките што ги прекршуваат нејзините правила.
ТикТок не ја коментираше „тековната“ тужба, но рече дека фирмата одржува грижлива работна средина за вработените.
„Нашиот безбедносен тим соработува со компании од трети страни за да помогне во заштитата на платформата и заедницата на ТикТок, а ние продолжуваме да ги поддржуваме модераторите ментално и емоционално.