Документот на Европската унија со кој не се препорачува употребата на терминот „Божиќ“ папата Франциск го оцени како анахронизам на „разводнетиот секуларизам“.
Европската комисија издаде, а потоа повлече интерен документ подготвен со цел да се подигне свеста за вклученоста во комуникацијата.
Во документот, што протече во јавноста кон крајот на ноември, се наведува дека не треба да се користи општиот термин „божиќни празници“, туку „празници“ и дека треба да се избегнува употребата на термини кои се јасно поврзани со одредена религија или пол.
-Низ историјата, многу диктатури се обидуваа да го направат тоа. Сетете се на Наполеон. Запомнете ја нацистичката, комунистичка диктатура. Тоа е вродено во разводнетиот секуларизам и осудено е на пропаст, рече папата по враќањето од Грција во Ватикан.
„Европската унија мора да се врати на идеалите на татковците-основачи, кои биле идеал за единство, величина и да внимава да не тргне по патот на идеолошката колонизација, што може да заврши со поделба меѓу земјите и да предизвика распад на Европската унија. Европската унија мора да ја почитува „секоја земја и нејзината внатрешна структура, различноста на земјите, а не да ги обединува. Мислам дека нема да го стори тоа, тоа не е нејзината намера, но тука треба да биде внимателна“, продолжи тој.
-Секоја земја има своја уникатност, но секоја е отворена за другите. Суверенитетот на Европската унија е суверенитет на браќата во единство во кое се почитува индивидуалноста на секоја земја. И внимавајте да не станете носител на идеолошка колонизација, рече папата Франциск во својата реакција на документот на ЕУ.