Одложено судското рочиште меѓу штипската компанија Бетон и грчки Интеркат. „Бетон побараува околу два милиони евра, како подизведувач во изградбата на новиот објект на Клиничката болница.
Инаку Врховниот суд го врати предметот повторно во првостепениот суд, откако лани донесе одлука Интеркат да ги даде парите на подизведувачот.
Сметката на грчката компанија беше блокирана, а Бетон во два наврати побара и стечај за главниот изведувач на штипската болница.
-Пред Основниот граѓански суд Скопје поднесени се две барања за покренување стечајна постапка од страна на Бетон АД Штип против ПСТД Интраком Констракшнс – Интеркат. И во двата наврати барањето е одбиено. Едното решение станално правосилно во ноември лани, другото во февраури годинава“, се вели во писмениот одговор на Основниот граѓански суд во Скопје.
Банката за развој на Советот на Европа минатиот месец најави повлекување од проектот, токму поради бавната динамика на изградба.
Сега на мака се министерствата за здравство и финансии, кои треба да најдат нови финансиери, кои ќе обезбедат 14 милиони евра за доизградба на објектот.
Болницата требаше да се отвори уште во 2019 година, но изградбата засега се одвива бавно и никој не знае кога и ќе биде завршен современиот дијагностички центар за жителите од источниот и југоисточниот регион.
Викторија Јованова