Дијалогот на високо ниво е клучен за градење доверба, и за надминување на спорните прашања во односите меѓу Бугарија и Македонија. Ова е заедничкиот став на претседателот на Бугарија Румен Радев и на премиерот Зоран Заев, кои денеска разговараа телефонски, соопшти вечерва кабинетот на бугарскиот претседател.
Радев и Заев, како што е пишува во соопштението, разговарале за аспектите на билатералните односи меѓу двете земји, за ефективно почитување на правата на луѓето кои отворено се изјаснуваат како Бугари во Македонија, како и за нејзината европска перспектива.
Во меѓувреме, владата на денешната седница му го продолжи мандатот на Владо Бучковски за специјален претставник на владата на Македонија за Бугарија. Мандатот на Бучковски истекуваше утре, на 1 декември 2021 година.