Прелет на авион над Скопје ја заинтригира денеска јавноста со пораката која се виореше зад опашката на леталото.
Се гледа корупцијата, пишуваше на платното кое беше истакнато зад авионот кој прелетуваше над Скопје во повеќе различни правци.
Герила акција со порака која погаѓа во нерв во ситуацијата во која се наоѓа нашата држава, особено по повеќето скандали и трагедии кои се случија во Македонија а кои разоткрија серија пропусти и слабости во функционирањето на системот а кои сугерираат коруптивно работење.
Засега нема информации кој стои зад авионскиот лет, дали станува збор за политичка партија, невладина организација или можеби граѓанин изреволтиран од корупцијата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.