Претседателот на Стопанската комора за енергетика на Македонија Ѓорѓи Манасков во гостувањето во Утринската на Телма вели дека случајот со РЕК Битола се очекуваше многу одамна да се случи.
– Ова е пример како неодговорно се води енергетската стабилност или енергетската состојба во една земја. Се што е направено до сега е направено од времето на Југославија и откако е независна Македонија, ништо не е превземено за нејзино обновување ниту во делот на хидроцентрали ниту во делот на термоцентрали, рече Манасков.
Манасков вели дека од Стопанската комора за енергетика на Македонија бараат да се укине ДДВ-то за електрична енергија додека трае енергетската криза и да биде 0%.
– Бараме веднаш за сите компании 18% ДДВ за електрична енергија додека трае енергетската криза да се укине и да биде 0%. Македонска енергетска берза да се формира со тоа што веднаш ќе имаме попластична или поопипливи моменти околу начинот на договарање или можност на пониска цена на ниво на цела држава, изјави Ѓорѓи Манасков, претседател на Стопанската комора за енергетика на Македонија.