За еден час ќе биде продолжено гласањето во девет избирачки места, бидејќи гласањето било прекинато подолго од еден час во Ценатр и Сарај на три избирачки места, а во Карпош, Чешиново Облешево и Зелениково во по едно избирачко место. Наместо во 19 часот, на овие места гласањето ќе заврши во 20 часот. Проблемите според ДИК биле технички, односно неможноста апаратот да ја прочита мемориската картичка, но истите се решени.
Гласањето се одвива нормално, освен мали технички проблеми на неколку избирачки места кои се надминати, истакна на втората прес-конференција претседателот на ДИК, Александар Даштевски.
До 11:00 часот излезноста е 14,18 проценти, а вкупниот број на избирачи кои гласале се 160.035.
Поголема излезност е регистрирана во Ранковце 38,2%, Вевчани 31,24%, Демир Капија 30,14%, Пехчево 28,44%, Конче 26,74%, Демир Хисар 25,19%, Битола 19,56“.
Во Оштините Сарај, Боговиње има најмала излезност од 11:00 часот со околу 6 проценти.