Од ЦУК соопштија дека на планините врне снег кој на превоите го отежнува сообраќајот. Веќе падна и првата забрана за тешки моторни возила.
Дождот што врне на целата територија на државата, на повисоките места премина во снег. Конкретно, на планините во западните и североисточните делови над 1.000 метри надморска височина врне снег.
Одредени патни правци се забранети за тешки товарни возила, како на пример делницата Маврово – Дебар, превојот ,,Стража”, а на делницата од Крива Паланка на околу три до пет километри од пред граничниот премин ,,Деве Баир” е отежнат прооден дел од патот.
Надлежните за магистралните патишта веќе преземаат активности за чистење на критичните точки на повисоките места.
ЦУК апелира до граѓаните, кои планираат да патуваат, а и тие што веќе патуваат да бидат внимателни на патиштата, како заради дождот и снегот, така и заради можни одрони.
Истовремено да ги следат и информациите на надлжните служби, а и медиумите, коишто за истите критични точки и патни правци ја информираат јавноста. Затоа и изразуваме благодарност до медиумите за нивната ангажираност за инфорирање на јавноста при непогоди, а и за кризни ситуации.
За прогнозата и состојбата на повисоките планински места и во скијачките центри прочитајте повеќе на наредниот линк.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.