Се затвора пунктот за масовна вакцинација во спортската сала на основното училиште „Никола Вапцаров“ во Струмица. Од следната недела салата ќе му биде отстапена на училиштето. Директорот на Никола Вапцаров вели дека веќе се расчистува просторот.
Вакцинацијата отсега ќе се одвива во просториите на Спортска медицина и според директорката на Здравствен дом Струмица капацитетот ги задоволува дневните потреби за вакцинација против ковид-19.
Струмица е еден од градовите со најмал процент на вакцинирани граѓани. Од Здрвствен дом велат дека овие бројки не ја одразуваат реалната состојба бидејќи пунктот за масовна вакцинација во Струмица се отвори кога веќе голем број граѓани биле вакцинирани во Скопје, Штип и Кавадарци.
Сузана Мицева
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.