Пописот влегува во завршна фаза и остануваат уште 5 дена, а граѓаните кои не стапиле во контакт со попишувачите од денеска можат тоа да го направат на одредени локации низ општините. За пописниот реон 20 во кои спаѓаат Битола, Могила и Новаци, отворена е канцелларија во просториите на битолскиот Совет, а претпладнево триесетина граѓани кои веќе дознале за оваа можност, дојдоа да ја исполнат својата обврска.
Од пописната комисија уверуваат дека пописот во овој реон се одвива без проблеми и ќе заврши во предвидениот рок.
Пописот секаде е започнат, а во голем дел 60 посто е завршен, а во другиот дел е во тек. Сигурни сме дека до 30 септември пописот во општините Битола, Могила и Новаци ќе заврши, изјави Лилјана Кузмановска, државен инструктор.
270 попишувачи и натаму се на терен, со цел да влезат во секое домаќинство, некаде по втор и по третпат. Од комисијата не откриваат колку гаѓани одбиваат да се попишат, но велат дека иако бројката не е загрижувачка, сепак попшувачите по втор, но и по трет пат се обидуваат да ги убедат.
Имаме граѓани кои не сакаат да се попишат, ние сѐ уште одиме на терен и до 30 септември ќе настојуваме да ги убедиме дека е потребно да се попишат и да влезат во вкупното население во Република Македонија, вели Кузмановска.
Дражвниот завод за статистика објави дека заклучно со вчера попишани се вкупно 1.460.552 лица, 455.478 домаќинства и 632.742 станови. Можноста за самопопишување на лица во странство, пак, досега ја искористиле – 195.477 лица. Пописот започна на 5 и ќе трае до 30 септемеври.
Емилија Мисирлиевска