Сите дипломати кои ќе присуствуваат на седницата на Генералното собрание на ОН следната недела ќе треба да покажат доказ за вакцинација против коронавирусот во согласност со правилата што важат во Њујорк.
Во писмо до претседателот на Генералното собрание, Абдула Шахид, на 9 септември, властите во Њујорк наведоа дека сите присутни во седиштето на ОН ќе треба да покажат доказ за вакцинација против Ковид-19. Градските власти велат дека салата на Генералното собрание на ОН е конвенциски центар што подлежи на истите правила како и повеќето затворени простории во Њујорк.
На седницата од 21 до 27 септември се очекуваат дипломати од целиот свет, иако некои ќе бидат онлајн.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.