Израел денеска бомбардираше исламистички милитантни точки во Газа, како одмазда за пуштањето на запаливи балони од палестинската енклава, во најновите немири од прекинот на огнот во мај, со кој завршија судирите.
Безбедносни извори од Хамас, исламистичката група што управува со Појасот Газа, кој е блокиран од Израел, изјавија дека нападите погодиле места за обука, јави Гардијани. Нема информации за повредени.
Во изјавата на израелската армија се вели: „Како одговор на запаливите балони, испукани кон израелска територија денеска, (воените) борбени авиони погодија … локација за производство на оружје што и припаѓаше на терористичката организација Хамас“.
Вчера, израелската противпожарна служба соопшти дека лансирањето на запалив балон од Газа предизвикал четири помали пожари во јужниот регион Ешкол, на границата со Газа.
Единаесетдневните смртоносни борби меѓу Израел и Хамас, како и други палестински вооружени групи со седиште во енклавата, завршија на 21 мај со изјава за прекин на огнот.