Основниот кривичен суд Скопје денеска на актерката Силвија Стојановска ѝ изрече затворска казна од три ипол години затвор за учество во меѓународен шверц на 700 килограми кокаин. Нејзиниот партнер Воислав Будисавјевиќ доби 7 години затвор. Казните се во прв степен и неправосилни, осудените имаат право на жалба.
По повеќе од една година поминати во притвор и куќен притвор, денеска судот ја ослободи Стојановска од притвор. Таа ќе се брани од слобода, но нејзиниот пасош и обврската да се јавува редовно во судот, остануваат и натаму на сила.
Обвинението против актерката и нејзиниот партнер за Неовластено производство и пуштање во промет на наркотични дроги, психотропни супстанци и прекурсори беше поднесено на 12 јуни лани.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.