Премиерот Заев прв се огласи за пресудите за ,,Таргет-Тврдина,,
На својот фб профил порача дека кога има правда, има и мир за сите а институциите докажале дека никој не може да биде над законот.
Времето на неказивност и на привилегии на криминалните актери се остава во историјата.
,,Правосудниот систем e независна власт и денес гледаме дека ги има сите околности да спроведува истрага без влијанија и да организира обвинителска и судска постапка во која важат само доказите и одредбите за фер и правично судење, за секој без исклучок.
Тоа е начинот на кој треба да бидат спроведени и довршени сите предмети за организиран криминал и против Уставот и достоинството на граѓани,,.
Од ВМРО-ДПМНЕ велат дека пресудата е донесена под жесток притисок на јавноста, опозицијата и меѓународниот фактор.
Демократскиот сојуз смета дека овој но и други процеси биле проследени со бројни недоследности, непринципиелности,политички притисоци и договарања.многу институции потфрлиле, непрофесионално се донесувале.затоа бараат да се истражат докрај системските грешки а кривична одговорност да понесат сите оние кои 6 години ја опструирале правдата.
Инсистираат да се изврши конфискација на криминално стекнатиот имот и да се изрече мерка забрана на политичко дејствување.
Јулијана Пешевска