По алармантната состојба со заразени и починати од корона вирусот во земјава, утринава заседаваше Комисијата за заразни болести. Се предлага да се отворат два нови оддели во болницата 8 ми септември каде може да бидат хоспитализирани болните од ковид 19. Исто така во план е и во Болницата во Козле да се прошират капацитетите и да се отвори нова лабораторија. Ова се дел од одлуките кои се донесени по состанокот на кризниот шатб. Министерот за внатрешни работи Оливер Спасовски вели дека на седницата не добиле нови препораки кои подразбираат порадикални мерки, но не се исклучува и воведување полициски час. Од МВР најавуваат дека има засилени полициски контроли од страна на републичката полиција со цел почитување на мерките.
Денеска се очекуваат да пристигнат брзите тестови. Станува збор за 4.000 дози, а здравствените власти очекуваат до крајот на неделава, евентуално од почетокот на следната веќе да може да почнат граѓаните да се тестираат во Поликлиниката „Ѓорче Петров“.