Христијан Мицкоски е единствениот носител на одговорноста за поразите на ВМРО-ДПМНЕ, тврди Ивица Коневски во вечерашното гостување на Топ Тема на Телма. Прашањето веќе е или тој или партијата, дециден е Коневски.
Знае дека ја има изгубено довербата кај делегатите што го гласаа, знае дека треба да излезе пред нив и да им се заблагодари за подршката и да ги презентира сите аргументи кои доведоа до пораз на локалните избори, вели Коневски.
Иницијативата за вонреден конгрес на ВМРО-ДПМНЕ добива се поголема подршка, вели тој и додава дека е оптимист за неговото одржување.
Коневски негира дека причината зошто не го свикале вонредниот конгрес не е недоволната подршка туку желбата на него да присуствуваат сите делегати што го гласаа Мицкоски во Валандово во 2017. Дополнително, сакаат да го почекаат завршувањето на локалните избори во Штип и Пласница за да не му понудат уште едно алиби за евентуалнен неуспех на Мицкоски и по нивното завршување
Ние имаме можност да го свикаме но целта ни е да ги обединиме сите иако со две третини од делегатите можеме да организираме конгрес, но целта ни е да ги собереме сите и тоа да биде свечен чин, вели Коневски.