Министерството за внатрешни работи го отпушти од работа советикот на поранешниот технички министер за внатрешни работи Наќе Чулев кој на денот на изборите навредуваше полициски комадир во Тетово.
Од МВР велат дека дисциплинската комисија утврди дека на 15.07.2020, денот кога се одржаа предвремените парламентарни избори, околу 15.30 часот во Тетово, државниот советник З. Ѓ. отишол на местото каде се вршел увид на сообраќајна незгода, каде што се наоѓале командирот З.Т. и уште двајца полицајци и со навреди и пцовки се нафрлил врз командирот и се обидел физички да го нападне.
Советиникот насилнички се однесувал кон командирот и со таквото однесување го нарушил неговиот углед и угледот на МВР, постапувајќи спротивно на Упатството за начинот на однесување и меѓусебните односи помеѓу полициските службеници. Отпуштениот беше државен советник за полициски и криминалистички работи во Кабинетот на Чулев.
За нападот врз командирот против него е поднесена и кривична пријава.
