САД мора да имаат „многу сериозен“ пристап во случај на можно труење на рускиот опозициски лидер Алексеј Навални, изјави американскиот претседател Доналд Трамп.
Тој синоќа изјави дека се уште нема докази дека Навални бил отруен, но додаде дека „нема причина да се сомневаме во откритието на германските власти дека бил отруен со нервен агенс“.
САД претходно и порачаа на Русија дека се „сериозно загрижени“ од објавата на германските власти за труењето на Навални.
САД изразија „сериозна загриженост“ поради тоа што властите на Германија откриле дека опозицискиот политичар Алексеј Навални бил отруен со нервна-паралитичка супстанца од руско производство, соопшти синоќа Стејт департментот.
На средбата на земникот државениот секретар Стивен Биган со рускиот амбасадор во Вашингтон, Анатолиј Антонов, Биган укажал дека користењето на Москва на тоа хемиско оружје е јавно прегазување на обврските на Москва на Конвенцијата за забрана на употреба на хемиско оружје.
-Заменикот државен секретар ја повика Русија на целосна соработка со меѓународната заедница во истрагата за ово напад, се вели во синоќешната официјална изјава на портпаролот Морган Ортагус.
Навални е во болница во Германија, каде поминува критична процедура на лечење.
Германските власти завчера изјавија дека опозиционерот бил отруен со нервно-паралитички гас од групата „Новичок“, создадена во советско време. Берлин исто така побара изнесување на одговроните пред лицето на правдата. Русија сеуште не покренала истрага за ова злодело и изјави дека нема докази за криминал.