Во повеќе градови низ Русија беа организирани протести против одлуката на рускиот претседател Владимир Путин за делумна мобилизација.
Полицијата на протестите одговори со масовни апсења. Рускиот веб медиум ОВД- инфо објави дека биле уапсени 1.240 демонстранти:, најмногу во Москва и Санкт Петерсбург.
Руските власти најавија дека со законски измени ќе се воведе 3-годишна затворска казна за оние кои ќе одбијат мобилизација.
Водителите на интернет-програмата Популарна политика која се емитува на Youtube веднаш ја тестираа оваа закана на Кремљ и му свртеа на синот на портпаролот на Путин Дмитри Песков.
Николај Песков се јави на телефон, а водителот на програмата му се претстави како воен комесар и го покани помладиот Песков да се јави на мобилизација уште утре.
Младиот Песков го потенцираше своето презиме, рече дека не е против мобилизацијата, но најдобро е тоа да не се случува утре за што на лажниот комесар му кажа дека “ќе среди на друго повисоко ниво”.
На директното прашање дали ќе се пријави како доброволец тој кажа не. Објасни дека доколку Путин навистина сака и тој да се најде на фронтот, ќе биде така иако и притоа потенцираше дека се презива Песков.
They allegedly called the son of Putin’s press-secretary Dmitry Peskov, Nikolay, and asked him why he did not respond to the military commissariat summons 😂
Can’t prove it’s him but the tone of voice is really similar. pic.twitter.com/kQv2WcdcCu
— Dmitri (@wartranslated) September 21, 2022
Планот на Русија е со мобилизацијата да обезбеди дополнителни 300.000 војници за фронтовите во Украина каде руските линии попуштија пред украинската офанзива.
Западните земји ја осудија идејата за мобилизација.
Наредбата за мобилизација на руските резервисти за западот е очаен потег