Текстот „ Вернисаж“, Вацлав Хавел го напишала во 1975 година, како коментар на однесувањето на некогашната црвена буржоазија во Чехословачка. Но, и во новата постановка на режисерката Теа Беговска тој се доживува како актуелен.
Ме испровоцира моментот да работам на човечкото однесување , денес. До која лудост може да отиде таа нивна цврска убеденост во една фанатична, радикална конвенција, која што се граничи со опасност, изјави Теа Беговска – режисерка на претставата.
Од опасна конвенционалност до егзибиционизам, низ аплитуди на среќа, тага и агресија. Вакви се манифестациите на карактерите во меѓусебното убедување и разубедување што е важно во животот, обременет со материјални вредности.Паднати во општествената замка, брачниот пар Вера и Михаил ( во изведба на Гордана Ендровска и Роберт Вељановски), во неа го вовлекуваат нивниот пријател Владимир ( што го толкува Предраг Павловски). Иако текстот е пишуван во реалистичен клуч, играта на сопружниците се доближува до драма на апсурдот.
Исто како што во пиесата на Владимир не му е дозволено да има право на избор и Вера и Михаил се обидуваат да го конвертираат во нешто што не е, вели актерот Роберт Вељановски.
Слободоумен, некој што сака да речеме правда , некој што цени некои вредности што одамна се изгубени, изјави актерот Предраг Павловски.
За сценографијата која го доловува богато уредениот дом беше задолжен Енес Деари, на анимациите работеше Милчо Узунов, костимограф е Раде Василев, а музика компонираше Енес Беговски. „ Вернисаж“, е театарски чин кој ги разоткрива темните човечки особини, наметнати од средината што се закануваат да не задушат.
Сотир Трајков