Кина изгради вештачка Месечина која симулира услови на ниска гравитација, прва од ваков вид. Објектот се очекува да игра важна улога во идните мисии на Кина на Месечината.
Ли Руилин, научник од кинескиот универзитет за рударство и технологија, рече дека проектот за вештачка Месечина во источниот град Шужоу се очекува официјално да биде лансиран во наредните месеци.
Опишувајќи ја програмата како „прва од ваков вид во светот“, Ли рече дека со проектот, симулацијата на Месечината ја подигна на сосема ново ниво, бидејќи гравитацијата може да се „изгуби по волја“.
Објектот се состои од вакумска комора со мини „Месечина“ со дијаметар од 60 сантиметри. Има камења и прашина лесни како оние што се наоѓаат на Месечината. Се напојува со магнетно поле како Месечината. Онаму каде што полето е доволно силно, некои лесни предмети како жаби или костени можат да се вивнат низ воздухот.
Ли рече дека проектот ќе игра важна улога во подготовката на Кина за операции на Месечината, дозволувајќи им на научниците да тестираат опрема, па дури и да спречат скапи погрешни пресметки на самата Месечина.