Свет Топ вести

Почина Џон Луис еден од најистакнатите активисти за граѓански права во САД

Џон Луис, икона на ненасилното движење за граѓански права во САД и поранешен соработник на Мартин Лутер Кинг, почина на 80-годишна возраст, објави Претставничкиот дом.

Од 1986 година демократски пратеник од државата Џорџија во Конгресот, Луис почина од рак на панкреасот.

„Џон Луис беше титанот на движењето за граѓански права и неговата добрина, вера и храброст ја преобличија нашата нација“, рече претседателката на Претставничкиот Дом, Ненси Пелоси.

„Во Конгресот, Џон Луис беше почитуван и сакан од обете страни“, рече Пелоси.

Луис учествуваше во голем број настани во долгата борба на движењето за граѓански права и беше најмладиот говорник во Вашингтон во 1963 година, кога Мартин Лутер Кинг го одржа својот говор „Сонувам“.

Луис беше последниот преживеан говорник од митингот и тој продолжи да се бори за граѓански права до крајот на животот. Тој последен пат се појави во јавноста во јуни, кога протестите за расна правда ги потресоа САД.

„Луис, роден 1940 година во Алабама, се смета за еден од најистакнатите активисти за граѓански права во САД.

Барак Обама, првиот американски црн претседател, го награди Луис во 2011 година, со Претседателски медал за слобода, највисоко американско цивилно одликување

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

(Видео) Влатко Стефановски со концерт во Скопје одбележа 50 години музичка кариера

Дејан Дејан

Врзан за бандера бара правда и помош за настраданите во Кочани

Дејан Дејан

Таткото Спасески се жали дека мајката го попречува да го види неговиот син

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе