Украински дронови ја нападнаа рафинеријата за нафта во Омск, во западен Сибир, која се наоѓа на околу 2.500 километри од украинската граница.
Регионалните власти потврдија дека објектот бил цел на напад, наведувајќи дека поголемиот дел од дроновите биле соборени и дека нема жртви.
Рафинеријата во Омск е најголемата во Русија, со капацитет од околу 460.000 барели дневно, што претставува приближно 12 проценти од вкупното руско производство на преработена нафта.
Нападот е дел од серијата украински удари врз руската енергетска инфраструктура и, според достапните информации, е меѓу најоддалечените досега.
Меѓувреме, Русија продолжува да се соочува со недостиг на гориво во повеќе региони. Пријавени се долги редици на бензинските пумпи, ограничувања во снабдувањето и кражби на гориво, додека властите ги повикаа граѓаните да не создаваат паника и заеднички да бараат решение за кризата.