Демократската унија за интеграција (ДУИ) предупредува дека назначувањето на Иван Стоиљковиќ за министер за локална самоуправа претставува вовед во ревизија на Охридскиот рамковен договор и закана за децентрализацијата и меѓуетничката рамнотежа.
Интегративците ја повикуваат Владата да се откаже од какви било измени на општинските граници, нагласувајќи дека секој обид за отворање на ова прашање ќе наиде на силен политички и граѓански отпор.
Во рамки на реконструкцијата на Владата, Стоиљковиќ е еден од функционерите кои ќе ја сменат министерската функција. Тој од Министерството за политички систем и односи меѓу заедниците ќе премине на чело на Министерството за локална самоуправа.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.