Во Тетово се еште трае состанокот на Централното претседателство на крилото на Арбен Таравари од Алијанса за Албанците. Главна тема на денешниот состанок е како ќе настапи Алијанса на локалните избори.
- Пред почетокот на состанокот Халил Снопче за ТВ Телма рече дека Алијанса не била консултирана од страна на коалиција „Вреди“ при распределбата на градоначалничките и советничките места и дека сите нивни предлози се одбиени.
„Сега очекуваме претседателот да не брифира“, рече Снопче.
Блерант Рамадани од Алијанса за Албанците рече дека на Централното собрание не се дискутирало за повторно здружување со крилото на Алијанса предводено од Зијадин Села бидејќи сега е приоритет како ќе настапи Алијанса на локалните избори.
Тој не даде конкретен одговор дали би било можно и евентуално напуштање на Владата.
За Вестите на Телма во 21.30 од Тетово се јави Петар Догов
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.