Направени се увиди во кочанската болница и стручната проценка е дека има услови за лекување и третмани на повредените во пожарот во кабарето Пулс, но нема доволно кадар и материјали. Решението е испраќање на повеќе тимови како и материјали за преврска и третман на изгореници.
Пластичните хирурзи апелираа да се внимава на препарати за изгореници кои се продаваат на интернет и преку социјални мрежи.
-Вчера некој ми спомна дека има некои мелеми кои се продаваат на социјалните мрежи. Не знаеме од какво потекло се и дали се стерилни или не. Да апелирам, затоа и со министерството за здравство се овие доктори кои ќе одат во Кочани за да бидат правени преврски во стерилни услови и со стерилни инструменти, рече Јасмина Ѓоргиевска Павловска, директор на Клиника за пластична хирургија.
