На повеќе места во тетовско складиран смет ја загадува околината. Тетовци, освен недостаток на хигиена, како проблеми на градот ги посочуваат водоснабдувањето и сообраќајниот хаос. Потреба од решавање на речиси истите проблеми има и во руралните средини. „Изборите нема ништо да променат“ велат граѓаните.
Тетово се уште нема конечно решение за проблемот со депонирање на сметот. Со години во градот и околните села се создаваат диви депонии, создадени од несовесноста на граѓаните како и неажурноста на надлежните. Просторот пред православните гробишта е место каде редовно се создава голем куп од отпад. Од неодамна повторно се фрла ѓубре на надвозникот на излезот од градот.
Освен недостаток на хигиена, граѓаните во анкета, како проблеми на градот ги посочуваат водоснабдувањето и сообраќајниот хаос. Повисоките населби постојано се соочуваат со недостиг на вода за пиење, има недостаток на паркинг места и преголема фрекфенција на возила.
Потреба од решавање на речиси истите проблеми има и во руралните средини. И кај нив има не се целосно решени елементарните потреби како вода за пиење, чистота и слично.
Анкетираните граѓани едногласно велат дека политичарите ветуваат само за време на кампањите, но потоа забораваат. На прашањето – Дали по изборите нешто ќе се промени? Одговорот е ист.
Данијела Билбилоска