Францускиот актер Матје Касовиц, не е во животна опасност по сообраќајната несреќа со мотор во неделата, изјавија за Франс прес во понеделникот негови блиски луѓе.
Касовиц беше опериран поради повреди на глуждот, ногата и карлицата.
„Операциите поминаа добро“, рече неговиот татко Петер Касовиц. „Матје ќе започне нормален процес на заздравување, одмор и враќање на кондицијата“.
Обвинителите во неделата изјавија дека Касовиц бил повреден додека учествувал на курс за обука за мотори во регионот Есон јужно од Париз.
Тој не учествувал во судир со друго возило, додаваат, туку излетал од седлото и силно паднал на земја. Касовиц носел кацига во моментот на несреќата и не се здобил со повреди на главата.
Истрага за причините за несреќата е започната од локалното обвинителство и полицијата.
Актерот беше еден од водечките ликови во хит шпионската серија „Биро“, каде го глумеше тајниот агент Малотру. Во француската кинематографија се појави за првпат во 1995 година со неговото режисерско деби „La Haine“ („Омраза“).
Наречен „Касо“, Касовиц оттогаш се појавува во десетици филмови.
Неговиот најнов филм „Визии“ од среда ќе се прикажува во француските кина.