Лишен од слобода 42 годишен косовски државјанин, кој превезувал брендирана стока без документација. Тој синоќа се обидел да помине преку граничниот премин Блаце – Скопје, кај тунелот „Блаце“, кога бил запрен и уапсен од Мобилната единица за компензаторни мерки при Одделот за гранични работи и миграции во БЈБ.
„При преглед во товарно возило „фолксваген транспортер со косовски национални ознаки, кое го управувал, била пронајдена поголема количина на брендирана и друга разновидна стока за која не поседувал никаква документација.
Поради постоење основи на сомнение за сторени кривични дела по член 278 и 278а од Кривичниот законик, тој е задржан во полициска станица, а пронајдената стока е одземена. По целосно документирање на случајот против него ќе биде поднесена соодветна пријава“, велат од МВР.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.